My journey then til now

Pagod na ko…

Inaalala ko lahat ng nangyari sa taong ito at napansin ko na paulit ulit ang nangyayari sakin. Ramdam ko tuloy na ako ay talagang pagod na….

Nuong Valentine’s Day ay naimbita ako para mainterview naman sa Fujitsu. Maaga akong pinapunta sa opisina nila. 8 am ng umaga ang aking skedyul kung kaya’t maaga akong umalis sa bahay namin, mga 5:30 ng umaga. Ako’y pinagsagot muna ng isang personality exam at isang technical exam. Pagkatapos nuon ay nabanggit nila ang application process at ang mga benepisyo ng mga matatanggap ng mga applikante. Natuwa naman ako sapagkat maganda ang kanilang inaalok sa mga magiging empleyado nila. Pagkatapos naman nuon ay ang personality interview. OK naman ang mga pangyayari dahil ako’y naimbita muli para sa ikalawang interview, ang technical interview.

Di ko alam kung mag-aaral pa ko o hindi dahil maikli lang ang panahon para mag-aral. Kinabukasan na rin kasi ang interview at marami rami rin ang topics na pinaaaral. Naisipan kong basahin lahat ng pwede kong basahin upang hindi naman ako mapahiya sa interview. Inaral ko din yung mga topics na di naman naturo samin nuong college dahil kasama sia sa pinaaaral sakin nung HR.

Kinabukasan ay nagpunta muli ako sa opisina nila. Kinakabahan din talaga ko dahil di pa ko na-technical interview kahit kelan. Dumating takdang oras at nagsimula ang interview. Ito ay isang panel interview. Sa simula ay ok naman ang lahat dahil pinag-usapan lang ang aking resume atsaka ang thesis namin. Sumunod naman ang technical interview. May isang problema na nakalagay sa board na dapat kong sagutan. Binigyan ako ng 3 minuto para sagutin ang tanong. Mukha namang madali ang tanong at kampante ako sa sagot ko. Ngunit nung pina-simulate na ang sagot ay napansin kong mali ang sagot ko sapagkat ang kanyang output ay di tugma sa inaasahan. Duon na nagsimula ang sunod sunod kong pagkakamali. Dahil nga mali ang sagot ko ay binigyan ulet ako ng pagkakataon na baguhin ito. Iniba ko ulet ang sagot ko ngunit mali pa rin habang sinisimulate ko ang sagot. 3 beses akong nagkamali at kahit ung huling sagot ko ay mali rin. Halos wala na kong mukhang ihaharap. Talagang nahihiya na ko. Ayoko na sanang ituloy pero di naman pwede. Pinaupo na ko. Gusto ko ng umiyak dahil alam kong wala ng pag-asa pang makuha ko ang posisyon na iyon pero di naman pwede. Nagtuloy ang interview at idiniscuss nila ang mga departamento sa kanila. Sa loob loob ko ay nanlalata na ko. Sa pagdidiscuss nila ay nabanggit nilang kung may ibang opening sa kanila na hindi ganun ang trabaho ay tatanggapin ko ba. Sinabi ko ay ang gusto ko talaga ay yung posisyon na inapplayan ko. Natapos ang interview at umuwi na ko.

Habang naglalakad ako ay naiisip ko ang nangyari at naiiyak talaga ako. Nag-aral naman ako sabi ko sa sarili ko pero wala pa rin. Di ko na talaga alam kung ano pang gagawin ko. Pag-uwi ko sa bahay ay tinry ko ulet ang problema. Sa kamalas malasan ay nagawa ko at nasagot ko ang tanong. Inis na inis ako sa sarili ko. Malamang ay nagpanic na naman ako dun nung di ko nakuha ang sagot. Haayyy

Di na ulet ako tinawagan muli. Sabi kasi ng HR ay sa hapon ay tatawag sia para sabihin ang resulta ngunit di na ito nangyari. Alam ko naman na wala na rin akong aasahan kaya’t eto na naman ako at magsisimula muli. Pagod na talaga ako. Di naman pwedeng tumigil ako sa paghahanap dahil walang mangyayari sakin. Bawa’t linggo ay umaalis ako ng bahay para sa mga interview o exam pero wala naman nangyayari.

Ganito ba talaga? Ang hirap naman! Sana lang ay di maubos ang pasensya ko sa paghahanap at sana di ako maubusan ng tiwala sa sarili. Sa totoo lang, sa tuwing di ako natatanggap ay nawawalan na ko ng tiwala sa kakayanan ko. Ayoko sanang mag-isip ng ganun pero di ko maiwasan…

Ayoko na talaga!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Tag Cloud

%d bloggers like this: